O día 16 de novembro tivo lugar no centro un taller coas familias no que os nenos/as crearon unha coroa de outono co emprego de follas secas.
Para isto, nos días previos, o alumnado encargouse de recoller follas secas na compaña das súas titoras e dos seus titores. Logo, no taller, as familias voluntarias axudaron aos nenos/as a recortar as tiras de cartolina para a súa coroa e indicáronlles os pasos a seguir: decorar a tira libremente con rotuladores e ceras e grapar follas de outono ao seu gusto.
O resultado foi fantástico!
Ademais, estas coroas serviron para a xornada seguinte, a festa do Magosto, na que as empregaron para a identificación dos grupos nos xogos organizados:
- Equipo vermello
- Equipo amarelo
- Equipo azul (formado polo alumnado de sexto, que foi o encargado de dirixir os xogos da festa do Magosto).
Toca nas imaxes para ver o vídeo do taller de coroas de outono
